வலைப் பதிவாளர்களுக்கு மரியாதை

கால்கரி தமிழ் மன்றம் நேற்றைக்கு ஒரு விழாவை ஏற்பாடு செய்திருந்தது. இது ஓர் பி லேட்டட் பொங்கல். தாமததிற்கு காரணம் கடுமையான குளிர் மற்றும் மக்களின் வேலை பளு.

இதில் முக்கிய விஷயம் என்னவென்றால் கால்கரியின் வலைப்பதிவாளர்களான என்னையும் திரு வெளிகண்டநாதரையும் அழைத்து மேடையில் பேசவிட்டு மரியாதை செய்தார்கள்.

என்னுடைய பேச்சு ஒரு நிமிடம் இருந்தது (எனக்கு கொடுக்கப்பட்ட நேரமே அவ்வளவுதான்).

நம்ம நாதர் சூப்பரா தூள் கிளப்பிவிட்டார். கார்ப்பரேட் ஸ்டைலில் ஒரு ப்ரசெண்டஷன் அவரின் ட்ரேட் மார்க் திரைப்பட டிரெய்லர்கள் என சூப்பராக இருந்தது அவரது பேச்சு.


பிறகு பாடல்கள், பட்டிமன்றம் என விழா களைக்கட்டியது.

விழாவில் நமக்கு வேண்டிய "சரக்குகளும்" ஆடு கோழிக் கறிகளும் வாரி வழங்க பட்டன.

போண்டா, மசால் வடைகள் இல்லை. ஆனால் சாம்பார், ரசம், அப்பளமிருந்தது

இந்த விழாவின் விஷேசம் என்னவென்றால் தமிழ் மக்கள் பல நாட்டிலிருந்து வந்து கால்கரியில் குடியேறியவர்கள் வந்திருந்தார்கள். தமிழர் என்றதும் நம்முட்டைய சிந்தனை இந்தியா இலங்கை உடன் நின்றுவிடும். ஆனால் கால்கரியில் மலேஷியா, சிங்கபூர், மேற்கிந்தீயதீவுகள் மட்டுமில்லாது கென்யா, தென்னாப்பிரிக்கா மற்றும் பல நாடுகளிலிருந்து மக்கள் வந்து இருந்தது மிக சிறப்பாய் இருந்தது.


வலைப்பதிவாளர்களை கண்டு கொண்ட கால்கரி தமிழ் மன்றத்தை சார்ந்த திருவாளர்கள் ஜே ஆறுமுகா, சரவணமூர்த்தி, பரம் பரமநாதன், ரங்கா சேஷாத்திரி, பஞ்ச் பஞ்சலிங்கம் ஆகியோருக்கு சிறப்பு நன்றிகளை தெரிவித்துக் கொள்கிறேன்.


விழா முடிந்ததும் நண்பர்கள் சேர்ந்து "மாம்பழம்.. மாம்பழம்.." பாட்டுக்கு போட்ட ஆட்டம் சூட்டைக் கிளப்பியது