தீவிரவாதிகளே.. உஷார்.. நீங்கள் இருப்பது கனடா...

நல்ல செய்தி .

டோராண்டோவில் தீவிரவாதிகளின் சதி முறியடிக்கப் பட்டு 17 பேர் கைது செய்ய பட்டு நீதி மன்றத்தில் ஆஜர் செய்யப் பட்டனர்.

இவர்களின் மீது சுமத்தப் பட்ட குற்றசாட்டுகள் .

1. பார்லிமெண்டை தகர்க்க சதி
2. அரசியல் தலைவர்களை பிணை கைதியாக பிடிக்கும் எண்ணம்
3. பிரதமர் ஹார்ப்பரின் தலையை துண்டிக்க திட்டம்
4. கனடாவின் டிவி நிலயத்தை கைப்பற்ற அல்லது தகர்க்க திட்டம்

கனடாவின் ரகசிய போலீசாரின் பலே திட்டத்தால் இவைகள் முறியடிக்கப் பட்டன.

தீவிரவாதிகள் இந்த திட்டங்களை தீட்டக் காரணம் ஆப்கானிஸ்தானில் கனேடிய படைகள் கட்டுமான பணிகளுக்கு பாதுகாப்பு அளிக்கிறது.

அப்படைகளின் எண்ணிக்கை வெறும் 2300 தான். இங்கே மக்களாட்சி நடை பெறுவது பொறுக்க வில்லை இந்த மடையர்களுக்கு.

கனடா இவர்களுக்கு இலவச உயர்தர பள்ளி கல்வி, இலவச உயர்தர மருத்துவம், வேலையற்ற இளைஞர்க்கு உதவி தொகை வழங்குகிறது.

இவர்களின் ஒரே குறை தாலிபான் போன்ற ஆட்சி முறை இங்கேயில்லை என்பதே.

இங்கே ஊடகங்களில் விவாதங்கள் நடக்கின்றன. ஒரு சாரார் இது புஷ்ஷூம் அவர் நண்பர் ஹார்பரும் செய்யும் சதி என வழக்கம் போல் குற்றம் சாட்டுகின்றனர். வழக்கத்துக்கு மாறாக இந்த குற்றசாட்டு உடனே எழுந்து விட்டது.

இன்னொரு சாரார் "புஷ்ஷும் ஹார்ப்பரும் ஓகே சதி செய்வார்கள். ஆனால் போலீஸ் படையில் உள்ள மொத்த பேரும் பொய் சொல்வார்களா? இந்த மாதிரி அபத்தமாக பேசி தீவிரவாதிகளுக்கு துணை போவதும் தீவிரவாததிற்கு ஒப்பானது" என்று வாதிடுகின்றனர்.

"இங்கே மைனாரிட்டிகளுக்கு என்ன குறைச்சல் அவர்களுக்கு மத உரிமை, குடியுரிமை, ஓட்டுரிமை உள்ளது. ஆனால் இவர்கள் எந்த உரிமையும் தராத காட்டுமிராண்டி அரசாங்கங்களுக்கு ஆதரவாக ஏன் செயல் படுகிறார்கள். இந்த நாடு பிடிக்காத பட்சத்தில் ஏன் வரிசையில் நின்று குடியுரிமை பெற்று இங்கே வந்து எங்கள் நிம்மதியை கெடுக்கிறார்கள்" என மக்கள் கேள்விகளை கேட்கின்றனர்.

பி.கு. துரதிருஷ்டமாக அந்த 17 பேரும் முஸ்லிம்கள். அதனால் பாதிப்படைய போவது அப்பாவி முஸ்லிம்களும் என்னுடைய குறுந்தாடியும்