என் அரேபிய அனுபவங்கள் - 10.6

இந்த வாரம் கொஞ்சம் பிசி மேலும் நண்பர்கள் சிறில் அவர்களும் பேராசிரியர் தருமி அவர்களும் நான் வலைப் பதிவிற்கு வந்த புதிதில் இருந்ததைவிட இப்போது மாறி விட்டதாக கூறினதாலும் நானும் சரி இனிமேல் வலைப்பூ பக்கம் அடிக்கடி வந்து என் அறிவை பெருக்கிக் கொள்ளவேண்டாம் என pre-blogging வழக்கங்களை மேற்கொண்டிருந்தேன்.

நேற்று ஒரு போன் கலிபோர்னியாவிலிருந்து. "சார் உங்க தலைப்பை வைத்து இன்னொருத்தர் இங்கேஎழுதுறார்" என்று என் நண்பர் பதறினார். நானும் "சார் என் தலைப்புக்கு என்ன நான் காப்பி ரைட்டா வாங்கிவைத்துள்ளேன். நன்றாக யூஸ் பண்ணட்டும்" என சொன்னேன். மேலும் நம் தலைப்பை காப்பி அடிக்கும் அள்விற்கு நாம் முன்னேறிவிட்டோம் என செருக்குடன் அந்த பதிவை நேற்றே படித்துவிட்டு மறந்துவிட்டேன்.

இப்போது இந்தோனேசியாவிலிருந்து ஒரு நேயர் அண்ணே உங்க அனுபவத்தை படித்து ரொம்ப நாள் ஆயிடிச்சி அடுத்த இஸ்டாள்மெண்டை போடுங்க அண்ணே என் ஒரு மெயில் போட்டிருந்தார். ஆகையால் மீண்டும் :


அரேபியர்கள் பண்டிகைகள் எப்படி கொண்டாடுவார்கள் என போன பதிவில் பார்த்தோம்.
இப்போது நாங்கள் எப்படி கொண்டாடினோம் என பார்ப்போம்.
நம் பண்டிகைகள் பிள்ளையார் சதுர்த்தியில் ஆரம்பிக்கும். சவூதியில் இருக்கும் போது இரகசியமாக வீட்டில் திருடன் செய்வதுபோல் கொண்டாடுவோம். நம் நாட்டில் எல்லாமே ரெடிமேடாக கிடைக்கும். பிள்ளையார் சிலை, குடை, வாழைமரம், கொழுக்கட்டை போன்றவை.
பிறகு ஊர்வலமும் இருக்கும். இதெல்லாம் இல்லாமல் பண்டிகை எப்படி. எல்லாவற்றையும் குறையில்லாமல் செய்வோம். பிள்ளையார் சிலை செய்ய ஆர்ட் சாப்பில் கிளே கிடைக்கும் அதை வைத்து சிலை செய்வோம். இதை செய்யும் போது உங்களில் உள்ள சிற்பி வெளிவருவார். என்ன பிள்ளையார் மாடர்ன் ஆர்ட் மியூசியத்தில் உள்ள சிலை போல இருப்பார். அடுத்து வாழை மரம். இதுக்கும் ஆர்ட் சாப் தான். வித வித மான பிளாஸ்டிக் சீட்களை எடுத்து வந்து ஒரு வழியாக வாழை மரமும் மாவிலை தோரணமும் செய்து உங்களில் உள்ள என்னோரு கலைஞர் வெளிவருவார். உன் சிலை அழகா என் சிலை அழகா என விவாதங்களும் நடக்கும்.
பழம் , பொரி , கடலை இவைகளுக்கு பஞ்சமில்லை கொழுக்கட்டைகளின் பரிமாற்றங்கள் இவைகளால் பிள்ளையார் சைஸுக்கு வயிறு வீங்கிவிடும்.

சரி முக்கியமான கடற்கரை பிள்ளையார் கரைப்பிற்கு வருவோம். கடற்கரை வீட்டிற்கு மிக அருகில இருந்ததால் 5/6 கார்களில் நண்பர்கள் வரிசையாக காரின் உள்ளே காதை கிழிக்கும் பிள்ளையார் பாடல்கள் ஒலிக்க கடற்கரைக்கு சென்று பிள்ளையார் கரைத்துவிட்டு நிம்மதியாக வருவோம்

ஆ...எங்கள் துபாயில் இந்த பிரச்னைகள் இல்லை. எல்லாம் பகிரங்கமாக செய்யலாம் பிள்ளையார் கரைப்பதை தவிர


அடுத்து வரும் பண்டிகை நவராத்திரி . சவூதியில் அமுக்கி வாசிக்கப்படும் ஆ..எங்கள் அமீரகத்தில் செம ரகளையாக இருக்கும். எல்லா பட்டு புடவைகளுக்கும் நகைகளுக்கும் வேலை வரும். சுண்டல், யார் வீட்டு கொலு நல்ல கொலு யார் வீட்டு பரிசு நல்லது போன்ற வம்புகளும். குஜராத்தி/வட இந்திய நண்பர்கள் வீட்டில் சரக்கடித்து விட்டு தாண்டியா ஆட்டங்களும் களைக் கட்டும்.

அடுத்து வரும் பண்டிகை தீபாவளி. எல்லா டமிளரும் ஆப்பி தீவாளி என போனில் சொல்லி கால்கடுக்க நின்று இந்தியாவிற்கு மிக முயன்று போனில் ஆப்பி தீவாளி என்பர். (நான் இருந்த காலங்களில் சவூதியில் இல் போனும் செல் போனும் இல்லை) . குழந்தைகளுடன் சீனாவில் இருந்து இறக்குமதி செயத துப்பாக்கியில் கேப் வைத்து வெடிப்பது மட்டும் தான் பட்டாசு.

ஆ..எங்கள் துபாயில் இந்த மாதிரி ப்ரச்னை இல்லை. ஒரே கொண்ட்டமாக இருக்கும். ஸ்வீட்கடைகளில் ஸ்வீட் என்ன பட்டாசு என்ன வண்ண வண்ண விளக்குகள் என்ன ஐயப்பாஸ் கடையில் துணி வாங்க அலைமோதும் கூட்டம் என்ன.... இந்தியா தோற்று விடும்.

அடுத்து வரும் பொங்கலும் சவூதியில் கமுக்கமாகவும் ஆ..எங்கள் அமீரகத்தில் பட்டி மன்றம் முதல் கச்சேரி வரை என ஆர்ப்பாட்டங்களுடனும் ஆப்பி பொங்கள் என்ற கோஷம் வானை பிள்க்கும்


என்னை போல் ஒரு கருவியல் பொறியாளர் சவூதியில் ஜூபைல் என்ற தொழில் நகரத்தில் 5 இலக்க ரியால் சம்பள்த்தில் அருமையான வேலையில் இருந்தார். அவர் அங்கே நம் தென்னிந்தியர்க்கு சேவை செய்ய ஆராதனா என்ற சுத்த சைவாள் ஒட்டலை திறந்தார். அதற்கு முன் டமிளனின் டமில் நேஷனல் புட் இட்லி தோசை சாப்பிட 100 கி.மீ தள்ளி உள்ள தம்மாமிற்கு வரவேண்டும். ஆகையால் இவருக்கு பிஸினஸ் சூப்பரோ சூப்பர். அவர் மேலும் சேவை செய்ய தீபாவளிக்கு பெஷல் ஸூவீட் பாக்ஸ் என் இன்னோரு சேவை செய்தார். பிஸினஸ் மேன்மேலும் பெருகியது.

பொறுக்குமா சக தமிழனுக்கு.

இது இந்துத்வாவியாதியின் சதி ஆராதனா என்பது இந்து பெயர், விஜிடேரியன் என்பது இந்து மதத் தத்துவம் என கோள் சொல்லி இரவோடு இரவாக அந்த ஓட்டலை மூடி அவரையும், அவரது குடும்பத்தாரையும் அந்த ஓட்டலில் வேலை செய்தவர்களையும் இரவோடு இரவாக நாடு கடத்த உதவினர் நம் மத நல் இணக்க சகோதரர்கள்.

சமய கடமையை முடித்து விட்டதாக எல்லா புகழையும் இறைவனுக்கு அர்ப்பணம் செய்தனர்

அவர் செய்த தவறுகள்

ஆராதனா என்ற பெயர். திராவிடஸ்தானில் ஆரிய பவன் மாதிரி சவூதிஸ்தானில் மக்கா உணவு விடுதி என்றோ மதினா உணவு விடுதி என்றோ பெயர் வைத்திருக்க வேண்டும்.

சுத்த சைவம் என்று சொல்லியிருக்க கூடாது. பேருக்கு முட்டை தோசை போன்றவைகளை மெனு கார்டில் போட்டு எந்நேரமும் இல்லை என சொல்லியிருக்கவேண்டும்

தீவாளி மற்றும் பொங்கலுக்கு இனிப்பு பண்டங்களை ரகசியமாக விற்றிருக்க வேண்டும். அப்போது தானே வாங்கும் எங்களுக்கும் ஒரு திரில் இருந்திருக்கும்.


இப்போது அதிரைகாரருக்கு. போலி புலிபாண்டிற்கு உங்கள பதில் இது

//அரபு நாட்டுல சின்சியரா இருந்தததாச் சொல்றார். இப்ப ப்ளாக்குல இஸ்டத்துக்கு அவுத்து உடுரதப் பார்த்தா இவருக்கு கனடாவுல முக்கியமான வேலையே அரபு நாட்டை திட்டுறதான் போலிருக்கு. நமக்கும் அதுமாதிர் யாராவது வேல போட்டுக் கொடுத்தா ச்சி..ச்சீ இந்த பழம் புளிக்கும்னுட்டு ஓடிடலாம். :-)//

என்னா சார் இது ஓவரா?

கனடாவில் நானாக வ்ந்து நானாகத்தான் வேலை வாங்கினேன்.

யாரும் வேலை போட்டு த்ருகிறேன் வா என அழக்கவில்லை சவூதி ஆ... எங்கள் அமீரகம் போலில்லாமல்

இங்கெ எனக்கு ஸ்பான்ஸர், எஜமானர், எக்ஸிட் எந்த்ரி விசா போன்ற கச்சடாக்கள் தேவையில்லை.

நீங்களும், விருப்பமிருந்தால் இங்கே வருவதற்கு தடையில்லை.

அதை செய்வதை விட்டு தனிமனித தாக்குதல்கள் வேண்டாம்..

ஒரு காட்டுமிராண்டி அரசிற்கு வக்காலத்தும் வேண்டாம்